变收视福将唔敢邀功「床照」惹遐想李佳芯：讲到咸片咁！

牧羊人

李佳芯一枪在手当堂型咗！



李佳芯最近在剧集《有种好男人》海棠春睡时回眸一笑，令网民大嗌心动，昨日她宣传时笑说：「讲到好似咸片咁，我系拍正经剧㗎！」

无线新剧《有种好男人》演员李佳芯（Ali）、陈自瑶、徐荣、胡诺言、赵希洛等，昨日在观塘玩雷射枪对战宣传，见Ali与陈自瑶相当投入，不停丧笑。剧集被指安排在「炮灰档」圣诞期间出街，但收视力压台庆剧《轻．功》，Ali说：「冇赢输慨，但系都开心，辛苦都值得。第一次听『炮灰档』都觉得唔系，圣诞节一家大细睇，反而有助收视。」网民认为收视好归功Ali，她扬言不敢当，反指是台前幕后的努力。

另外，Ali剧中海棠春睡时回眸一笑一幕，令网民大为心动，她笑说：「你哋唔好成日帮我加啲名，讲到好似咸片咁，我系拍正经剧㗎！嗰下只系啱啱瞓醒啫！」又笑言有好好保养住真实年龄28岁，最重要是心态，问到现实中可有像剧中胡诺言角色的男闺蜜？她说：「都好想有，有朋友、知己、好姊妹，但唔知系咪去到闺蜜呢种。」

陈自瑶考虑出写真

陈自瑶以养眼的运动Top现身，自言是配合活动主题，谈及新一年新开始即在社交网派「床照」福利，更被误会真空上阵，她说：「只系想影个感觉，唯美感。（有冇更性感慨相？）啲相系之前影落，有好多仲未出，不过都打晒底，好似好性感，但其实冇嘢睇。」问可有兴趣出写真，她笑说：「未入行前做Model，所以都好钟意影相，觉得影相同演戏一样，可以演绎唔同慨自己。写真有冇人睇呀？谂吓！」





陈自瑶以Bra Top现身，抢尽风头！






李佳芯海棠春睡一幕，令网民大嗌心动！